Psixologiya kafedrasi 2018 yil tashkil topgan. Kafedra shu davrda 11 nafar professor-o‘qituvchi bilan ish boshlagan bo‘lib, ulardan 2 nafar fan nomzodi edi. Kafedrani psixologiya fanlari nomzodi, dotsent X.Sharafutdinova boshqarib kelmoqda. Qisqa muddatda kafedra malakali kadrlar bilan ta’minlanib, professor-o‘qituvchilarning soni va sifati oshirilgan.
Hozirda kafedrada 2 nafar fan doktori, 4 nafar dotsent, 1 nafar psixologiya fanlari bo‘yicha falsafa doktori (PhD) darajasiga ega, 18 nafar katta o‘qituvchi va o‘qituvchi– jami 25 nafar professor-o‘qituvchi asosiy shtatda faoliyat ko‘rsatib, tashqi o`rindoshlik asosida ishlovchi 2 nafar professor-o‘qituvchilarlar ta’lim-tarbiya ishlariga jalb qilingan.
Kafedrada o‘qitiladigan yo‘nalishlar:
Bakalavriat:
Psixologiya (amaliy psixologiya)
Psixologiya (amaliy psixologiya -sirtqi)
Psixologiya (kunduzgi)
Psixologiya (kechki)
Psixologiya (sirtqi)
Psixologiya (masofaviy)
Magistratura
70310301- Psixologiya
70310301- Psixologiya (Masofaviy ta'lim)
Kafedrada o‘qitiladigan fanlar:
Umumiy psixologiya
Umumiy psixodiagnostika
Eksperimental psixologiya
Sotsial psixologiya
Diferensial psixologiya
Rivojlanish psixologiyasi va differentsial psixologiya
Psixologik trening asoslari
Pedagogik psixologiya va psixologiya fanlarini o‘qitish metodikasi
Psixologik tadqiqot ma’lumotlarni qayta ishlash metodlari va texnologiyalari
Oila psixologiyasi
Maxsus psixologiya
Kasbiy psixologiya
Ilmiy tadqiqot metodologiyasi
Maxsus fanlarni o’qitish metodikasi
Boshqaruv sotsial psixologiyasi
Tatbiqiy yuridik psixologiya
Zamonaviy psixologiyada miqdor va sifat tahlil metodlari
Testologiya
Salomatlik ijtimoiy psixologiyasi
Psixologik konsultatsiyaning zamonaviy yo’nalishlari
Klinik psixologiya
Kognitiv psixologiya
Psixologik xizmat
Kafedrada olib borilayotgan ilmiy ishlar
Psixologiya kafedrasi qoshida 60310900–Psixologiya (amaliy psixologiya), 60310300-Psixologiya bakalavriat hamda 70310301- Psixologiya mutaxassisligi bo‘yicha magistratura mavjud.
Shuningdek, kafedra qoshida “Intellekt” ilmiy to‘garagi, “Psixologiya” fan to‘garagi, “Yosh psixoanalitiklar” ilmiy to‘garaklari faoliyat ko‘rsatadi.
Kafedrada 1 nafar: Choriyeva Sarvinoz Abdurashidovna doktoranturada tahsil olishmoqda.
Sharafutdinova Xadichaxon Gulyamitdinovna 2024-yil 22-oktabr kuni Nizomiy nomidagi Toshkent davlat pedagogika universiteti qoshidagi ilmiy kengashda psixologiya fanlari doktori (DSc) ilmiy darajasini olish uchun dissertatsiyani muvaffaqqiyatli himoya qildi.
Djurayev Tashpulat Saxiyevich 2005-yil 15-may kuni Mirzo Ulig‘bek nomidagi O‘zbekiston Milliy universiteti qoshidagi ilmiy kengashda psixologiya fanlari nomzodi (P.f.n) ilmiy darajasini olish uchun dissertatsiyani muvaffaqqiyatli himoya qildi.
Qodirova Aziza Bekmurod qizi 2025-yil 26-mart kuni Nizomiy nomidagi Toshkent davlat pedagogika universiteti qoshidagi ilmiy kengashda psixologiya fanlari yo‘nalishida psixologiya fanlari doktori (Dsc) ilmiy darajasini olish uchun dissertatsiyani muvaffaqqiyatli himoya qildi.
Sattorova Mahliyo Dilmurot qizi 2023-yil 6-mart kuni Nizomiy nomidagi Toshkent davlat pedagogika universiteti qoshidagi ilmiy kengashda psixologiya fanlari bo‘yicha falsafa doktori (PhD) ilmiy darajasini olish uchun dissertatsiyani muvaffaqqiyatli himoya qildi.
Karayeva Yulduz Xushbakovna 2023-yil 24-mart kuni Nizomiy nomidagi Toshkent davlat pedagogika universiteti qoshidagi ilmiy kengashda psixologiya fanlari bo‘yicha falsafa doktori (PhD) ilmiy darajasini olish uchun dissertatsiyani muvaffaqqiyatli himoya qildi.
Almardanova Salomat Bobonazarovna 2023-yil 22-avgust kuni Nizomiy nomidagi Toshkent davlat pedagogika universiteti qoshidagi ilmiy kengashda psixologiya fanlari bo‘yicha falsafa doktori (PhD) ilmiy darajasini olish uchun dissertatsiyani muvaffaqqiyatli himoya qildi.
Mamaradjabova Bog‘zoda Abdulhakimovna 2026-yil 16-yanvar kuni Nizomiy nomidagi O‘zbekiston milliy pedagogika universiteti qoshidagi ilmiy kengashda psixologiya fanlari bo‘yicha falsafa doktori (PhD) ilmiy darajasini olish uchun dissertatsiyani muvaffaqqiyatli himoya qildi.
Barcha o‘qituvchilarning ilmiy ishlar bilan shug‘ullanishlari uchun sharoitlar yaratilgan. Ular ilmiy safarlarga yuborilmoqda.
Kafedrada olib borilayotgan ilmiy-uslubiy ishlar darslik va o‘quv qo‘llanmalar
Hisobot yilida kafedra professor-o‘qituvchilari tomonidan 2025 yilda xalqaro ilmiy jurnallarida 50 ta, Respublika miqyosida ilmiy jurnallarida 70 ta maqola, xalqaro ilmiy –amaliy anjumanlarida 66 ta, Respublika ilmiy-nazariy anjumanda 60 ta tezislar chop etildi.
Ilmiy maqolalar
Kafedrada asosan sof ilmiy-nazariy yo‘nalishda hamda amaliy yo‘nalishlarida ilmiy tadqiqot ishlari olib borilmoqda. X.Sharafutdinova, T.Djo‘rayev, A.Qodirova, Yu.Karayeva, O‘.Jo‘rayev, S.Almardanovalarning ilmiy maqolalari xorijda e’tirof etilgan nufuzli jurnallarda chop etilmoqda.
Kafedra professor-o‘qituvchilarining olgan ilmiy natijalari o‘zimizni Respublikada hamda Respublikadan tashqari ta’lim muassasalarida ularning ilmiy tadqiqot ishlarida foydalanilib kelmoqda.
Kafedradagi barcha fanlar bo‘yicha har o‘quv yilida ma’ruza matnlari, O‘UM yangilanib boriladi. Professor-o‘qituvchilar tomonidan tayyorlangan fanlar bo‘yicha ma’ruza matnlari kafedra yig‘ilishida muhokama qilinib, taqrizchilar belgilanadi, tasdiqlanadi va foydalanish uchun tavsiya qilinadi. Kafedraning har bir professor-o‘qituvchilarida mashg‘ulotga kirishda quyidagi me’yoriy hujjatlar bo‘lishi talab etiladi.
Har bir fan bo‘yicha namunaviy fan dasturi, sillabus, O’MM, ma’ruza matni, reyting ishlanmasi, kalendar mavzuli reja, amaliy mashg‘ulotlari hujjatlar mavjud
Ma’lumot: 2024 yilning 19-20 aprel kunlari “Oilada destruktiv munosabatlar psixoproflaktikasi va psixokorreksiyasi:muammo va yechimlar” mavzusida xalqaro ilmiy-amaliy konfrensiya o’tkazildi. Konfrensiyada o’ndan ortiq xorijiy davlat oliy ta’lim muassasalaridan hamda yuzdan ortiq mahalliy oliy ta’lim muassasalirining professor-o’qituvchilari, doktorantlar, magistr hamda talabalar o’zlarining ma’ruzalari va ilmiy maqola hamda tezislari bilan onlayn va oflayn formatda ishtirok etdilar.
